Kizumogatari Part 1: Iron-Blooded (2016)

By: Anime Universe MM

Link Count: 3

Plot Summary

ပုဂံရာဇဝင်ပြောရင် တုတ်ထမ်းရမယ်ဆိုသလိုပဲ Monogatari ဇာတ်လမ်းစဉ်ကို စီစဉ်ရင်လည်း တုတ်ရော ဓားရော ထမ်းရမှာပါပဲ။ အခု Movie ကတော့ တုတ်ထမ်းဖို့မလိုတဲ့ သီးသီးသန့်သန့် ကြည့်နိုင်တဲ့ Monogatari တို့ထဲက တစ်ခုပါ။ Monogatari Series ကြီးတွေထဲက တစ်ခုဖြစ်ပြီး လူကြိုက်အများဆုံး လှပသေသပ်သော scene ရှိခြင်းနှင့် gore ဆန်သော ‘ဟန်’၊ gothic + monochrome ဆန်သော တင်ဆက်မှု “မာန်” တို့နဲ့ ပြည့်နှက်နေတဲ့ movie series တစ်ခု - Kizu က အနာရွတ်လို့ တိုက်ရိုက်မြန်မာမှုပြုနိုင်ပါတယ်။ သို့ပေမယ့် ကျွန်တော်ကတော့ မူရင်းအနက်ဖြစ်တဲ့ “အနာရွတ်” စကားလုံးကို မယူဘဲ စကားလုံးရဲ့ ဂုဏ်သတ္တိဖြစ်တဲ့ “စွဲကျန်စေသော” ကို သဘောကျပါတယ်။ ပြီးရငမ Monogatari က ပုံပြင်ဆိုတော့ - Kizumonogatari (စွဲကျန်စရာ ပုံပြင်) လို့ ခေါ်လိုက်ချင်ပါတယ်။ ဇာတ်လမ်းအကျဉ်း Araragi Koyomi က တစ်ကိုယ်တော်သမား။ သူ့ကိုယ်ပိုင်ကမ္ဘာမှာ သူတစ်ဦးတည်းနေထိုင်တဲ့သူ။ တစ်နေ့မှာ သူ့ကမ္ဘာထဲကို ဖြူပန်းရောင် အရောင်တိုးလာပါတယ်။ Hanekawa Tsubasa ဆိုတဲ့ ဖြူပန်းရောင် တိုးလာခြင်းကြောင့် အရောင် ၂ ရောင်ဖြစ်လာပါပြီ။ ရွှေဖျော့ရောင်ဆံသားနဲ့ နီယွန်ဓာတ်မီးတိုင်တို့ကြားမှာ အရိပ်မထင်တဲ့ သွေးစုပ်ကောင် - နာမည်က အဖျားဆွတ်ခေါ်တော့ Kiss-shot ။ တွေ့တွေ့ချင်းက သွေးအိုင်ထဲမှာ ခြေပြတ် လက်ပြတ် ကြောက်ရွံတဲ့အနီ။ စစတွေ့တဲ့ ပုံပန်းက သွေးပျက်စရာအနီ။ သေရမှာကို သေမတတ်ကြောက်နေတဲ့အနီ။ အနီက သူများရဲ့ အနီကို တောင့်တနေလေတယ်။ တောင့်တနေတဲ့ “အနီ” ရတော့ ရင့်သီးတဲ့အနီကနေ ဖျော့တော့တဲ့ အနီအဖြစ် ပြောင်းလဲ - သွေးစုပ် လက်အောက်ခံဖြစ်လာတဲ့ Araragi တစ်ယောက် လူပြန်ဖြစ်ချင်ရင် ပြတ်နေတဲ့ ခြေလက် ပြန်ရှာ ၊ Kiss-shot ရဲ့ မူရင်း အစွမ်းပြန်ရအောင်လုပ်ပေးဖို့ ပြီးမှ လူပြန်ဖြစ်နိုင်မယ်ဆိုတဲ့ “ကတိ” ကံတရားရဲ့ ဆုံစည်းမှုကနေ ဖြစ်ပေါ်လာတဲ့ ဇာတ်လမ်း ၊ ဒီ Araragi ရဲ့ဇာတ်လမ်းသည် အခိုးအလိပ်များကို လိပ်၍ လိပ်၍ သဏ္ဍာန်တစ်ခုဖြစ်လာလိမ့်မည်။ အဲ့ဒီသဏ္ဍာန်သည် Kizumonogatari အပိုင်း ၃ ပိုင်းလုံးဖြစ်ပြီး Araragi လူပြန်ဖြစ်၏ မဖြစ်၏က ဒီ review ကိုကျော်လွန်ပြီး ရှေ့ဆက် ရုပ်ရှင်ကြည့်ဖို့ပင်ဖြစ်သည်။ မှာကြားခြင်း Kizumonogatari က ကျွန်တော်တို့ ဘာသာပြန်တာရော encode စာစစ် အကုန်ပေါင်း ၅ လနီးပါး အချိန်ယူထားတဲ့ project တစ်ခုပါ။ ယူထားတဲ့ အချိန်နဲ့တန်အောင် ကောင်းမွန်တဲ့ တင်ဆက်မှုဖြစ်ဖို့ ကောင်းမွန်သော အားစိုက်မှုတွေ စိုက်ထုတ်ထားပါတယ်။ ဘာသာပြန်သူ ပြန်ခဲ့တဲ့ series တွေထဲမှာ အခု Kizumonogatari ကို အားအရဆုံးပါပဲ။ Part 2 သည် Part 1 ထက် ပိုကောင်းမည်ဖြစ်ပြီး Part 3 သည်လည်း Part 2 ထက် ပိုကောင်းလာဦးမှာပါ။ Translation - Eugeo Typesetting + Encoding - Kuragiri Demo Quality Checking + Timing - Kazuma တို့ကနေ Genkai ကိုကျော်လွန်ပြီး တင်ဆက်လိုက်တဲ့ အပေါ် Fan တွေဘက်ကရော တုံ့ပြန်မှု ဘယ်လိုရှိမည်လဲ